المحتوي الفيروسي : 21 طريقة لتقوية المحتوي بشكل أسرع " مترجم " [ Infografic ]

المحتوي الفيروسي : 21 طريقة لتقوية المحتوي بشكل أسرع " مترجم " [ Infografic ]

انفوجرافيك أجنبي من موقع Backlinko المشهور لصاحبه Brain Dean المشهور جداً جداً في عالم ال SEO او Search engine optimization علي اليوتيوب وعلي الموقع بتاعه انا حبيت اشارك معاكوا الانفوجرافيك ده اللي بيتكلم عن 21 طريقة وتكنيك لتقوية المحتوي لجلب مئات الزوار ومصاحبة محركات البحث وكتابة محتوي مميز خالي من الاخطاء, في الانفوجرافيك ده مجموعة من النصائح اللي لو أشتغلت عليها هتعدي في ال SEO وانا انصح بكده بشدة, انا هترجم الانفوجرافيك كله وهسيب رابط السورس في الاسفل.

1 / إستخدم الارقام الفردية في العنوان

العناوين اللي فيها ارقام زي " 12 طريقة للربح من الانترنت, 10 طريق لتصدر نتائج البحث ...الخ " بتاخد نسبة ضغطات حوالي 36% حسب الاحصائيات اللي اتعملت مؤخراً علي موقع MOZ وده الرابط Research by conductor.

الارقام بتشكل عامل اساسي وفعال في العناوين مش بس المواقع اللي بتستخدم الارقام في العناوين لجلب الزوار والقراء بل كمان المجلات المشهورة بتستخدم الارقام في العناوين لجلب الانتباه لمدي قوة الارقام في جلب الانتباه زي ما انتوا شايفين في المجلة دي.

زي ما بالصورة الارقام واخدة حيذ كبير في العناوين اللي ليها طابعها الخاص واللي بتلفت بشكل اكبر من العناوين العادية اللي لا يتواجد بها ارقام فبمثال بسيط لو بحثت مثلا عن فقدان الوزن ووجدت في اول النتائج عنوانين زي كده 

" كيفية فقدان الوزن سريعاً "

" 10 طرق لفقدان الوزن بسرعة "

أحب اقولك ان انطباعك الاول هياخدك للعنوان اللي فيه رقم لان ده اقوي من العنوان الاول زي ما قلنا قبل كده عن قوة الارقام في العناوين, فحاول جاهداً عند كتابة محتوي خاص باي نيتش انك تستخدم الارقام في العناوين بشكل مستمر وتابع التغيير الهائل.

2 / إستخدم البراكيتس [ Brackets ].

في احصائية عملتها Hubspot بتقول ان اكتر من 3 مليون عنوان فيهم البراكتس زادت نسبة الي CTR ليهم بنسبة 38% يعني فعالة جداً في جلب الضغطات.

البراكتس بتعرف المستخدم اللي بيتنقل في موقعك ايه موضوع الموضوع هل هو انفوجرافيك او دراسة حالة او حتي مقال عادي ده هيساعد بشكل فعال جداً لرفع نسبة الضغطات علي موضوعك وزيادة قوة الموضوع من ناحية العنوان اللي ليه نسبة عالية جداً في جلب الزيارات وغيره من الميزات.

3 / إستخدام الرابط القصيرة في العناوين.

ف يدراسة حالة عملتها منظمة Markting Sharpa أثبتت ان استخدام الروابط القصيرة في العناوين فعالة مرتين ونص عن الروابط الطويلة 2.5x.

وبخلاف انه فعال طول الروابط مش محبب يعني لما يكون الرابط قصير وسهل الحفظ احسن من طوله وكمان في المشاركة لما تيجي تشارك الرابط مثلا علي تويتر مش هيبقي محبب خالص لو الرابط الطويل فانا انصح بتقصير الرابط.

4 / إستخدم الوصف في رابط القالة.

في دراسة عملتها شركة ميكروسوفت اثبتت ان الدومينات الموثوقة او العناوين اللي بتوصف المحتوي بتلقي ثقة اكتر ب 25% من الدومينات التانية.

فبمثال اذا كنت تبحث عن موضوع مثلا ووجدت موضوعين بروابط مثل هذه الراوبط

example.com/cute-cats

example.com/blog-post/id#jhhdkhj

بالتاكيد هتخش علي الرابط الاول من غير تفكير وذلك لان الرابط بيوصف نفسه غير التاني فحاول تخلي العنوان عندك قصير وبيوصف المحتوي وده هيغير من قوة محتواك بشكل ملحوظ جداً وجرب وشوف.

5 / أكتب مقدمة قصيرة مقنعة.

في دراسة أثبتت ان الناس بتقراء اول 28% من المقالة بس ولو اقتنعوا بالموضوع بيكملوا فيه ولو ما اقتنعوش فمش هيكملوا بكل تاكيد فعلشان كده لازم تكتب مقدمة توصف الموضوع كله بشكل ملفت وجذاب علشان تقدر تجذب القارء وترغمه انه يكمل.

وفي دراسة عملها الدكتور جون مرقص اثبتت ان المقدمة القوية بتزيد فرصة قراءة الموضوع بنسبة 58%.

فكر في الموضوع انك بتقضي وقت يصل لساعات علشان توصل لعنوان جذاب بيحترم الشروط اللي ذكرنها بالاعلي وفي الاخر بتكتب مقدمة رديئة لا تجذب الانتباه وبالتالي هتكون خسرت وقت ومجهود ولم تستفد شي فحاول جاهداً وضع مقدمة جذابة بتوصف فيها الموضوع بالكامل بشكل جذاب وليس في المقالات فقط بل في الفيديو كمان من عوامل تصدر نتائج البحث في اليوتيوب بالفيديو هو المقدمة فالمستمع مش هيكمل لو ما اقتنعش باللي هتعمله مش هيقعد مثلا نص ساعه علشان يعرف ايه اللي هيحصل والاثبات فلازم تحترم الشروط دي في محتواك.

6 / إستخدم صورة جذابة للموضوع

تعمل الميديا دوراً كبيراً في جذب القراء حسب احصائية قامة بها Xerox بتثبت ان المحتوي البصري الملون او المبهج فعال بنسبة 80% عن العادي.

الصور بتخلي المحتوي جذاب جداً جداً وبتجذب الانتباه وبتعمل دور الوصف كمان في بعض الاحيان زي الخطوة اللي فاتت.

نصيحة ما تخليش الصورة مغطية علي المحتوي زي كده.

الصورة ممتازة وبتوصف الموضوع بس مغطية علي المحتوي فبتائر بشكل كبير في قوة المحتوي فبانصح انك تضع الصورة يمين او شمال المحتوي زي كده.

بالشكل ده انت بتراعي وبتحترم الشروط اللي بتخلي الموضوع بتاعك يوصل للمركز الاول في جوجل.

7 / محتوي بصور = مشاركات عديدة.

في دراسة عملتها Skyword أثبتت ان الموضوع اللي فيه صورة واحدة علي الاقل بيلاقي نسبة مشاركة تصل الي 94% علي السوشيال ميديا.

وده لان الناس بطبعها بتحب الصور وكلنا مررنا بنفس الموقف اللي هقوله ده وهو انك في ايام المرحلة الابتدائية كنت اول ما بتستلم الكتب بتقلب في الكتب اللي فيها صور بس وبتنبهر بالصور اكتر من الكلام ودي الحقيقة.

8 / صور = مزيد من المصداقية

في دراسة اجرتها جامعة امريكية اثبتت ان المحتوي اللي فيه صور. أي صور بيلاقي قبول بنسبة 75% عن الموضوع اللي لا يوجد به صور.

بالتاكيد المحتوي اللي فيه صور بيفيد بشكل كبير عن الخام.

9 / استخدم صور احترافية

جودة الصورة عامل فعال جداً في نسبة القراءة والمشاركة لان الجودة بتجذب كلما كانت الصورة ذات جودة رائعه وعالية كلما حصلت علي الاهتمام نسبة لدراسة اجريت في الولايات المتحدة.

10 / أنشر المحتوي الطويل

المحتوي الطويل حسب دراسة اجراها دكتور في جامعة امريكية اثبتت ان المحتوي الطويل اللي بيصل الي 1500 كلمة للموضوع بتتنشر بشكل فيروسي 76.8%.

من وجهة نظري ونظر الكثير من الخبراء في مجال السيو المحتوي الطويل بيلاقي استحسان كبير لدي القراء وبيحصل علي نسبة مشاركة علي السوشيال ميديا بنسبة عالية عن المواضيع القصيرة ومش كده وبس لا وكمان بتلقي مكان عالي في جوجل في المراتب العلية حسب الاحصائية اللي مبينه امامكم في الصورة التالية.

11 / إستخدم الصور المميزة

من غير اي احصائيات الصورة اللي بتبقي جنب الرابط لما تنشر الموضوع في الفيس بوك او تويتر بتجذب الانتباه اكتر من الموضوع نفسه فحاول انك تحط صورة ممتازة لموضوعك.

12 / إرفق انوجرافيك في مواضيعك

حسب احصائية علي موقع Buzz sumo بتقول ان الانفوجرافيك بيحصل علي 2.3x مشاركة يعني بيزيد مرتين وتلت من نسبة المشاركات علي السوشيال ميديا.

الانفوجرافيك حاجه ممتازة لتحصل علي زوار بشكل فيروسي.

13 / ضع ازرار المشاركة فوق الموضوع

في دراسة اجرتها جوجل اثبتت ان اي حاجه فوق الموضوع بتتشاف بنسبة 58% عن اللي في الاسفل فحاول انك تضع ازرار المشاركة بشكل واضع في الجنب ومتحركة وفي الاعلي.

سهل علي مستخدمي موقعك انهم يلاقوا زرار المشاركة بدل ما يبحثوا عنوا فحاول تحط الزرار في الاعلي او علي اليمين او اليسار بشكل متحرك وتابع المشاركات.

14 / خليك عاطفي

في دراسة عملتها مجلة تابعه لمجال الماركتينج اثبتت ان المحتوي العاطفي بيلاقي استحسان بنسبة 28%

15 / منشن للاشخاص المشهورين

أكتب محتوي حصري مميز ورائع ومنشن لشخص مشهور في المجال اللي بتكتب فيه وعرفه بانك تبعتله رابط البوست وعلي حسب مصداقية وحصرية وروعة مقالك سيقوم هو الاخر بنشر موضوعك عنده في الصفحة لمتابعينه وتمتع بكمية المتابعين والزوار المهتمين بموضوعك والدائمين اذا كان موضوعك مميز.

17 / انشر ما بين 8 صباحاً ل 12 صباحاً

Shareaholic  اثبتت ان السوشيال شير او المشاركات اللي بتتم علي مواقع التواصل الاجتماعي بتتم ما بين الساعه 8ص الي الساعه 12 ص.

من خلال نشر الموضوع ما بين الوقتين دول انت كده بتجيب العالم كله في اول اليوم ليهم.

Pacific Time (US): 8am

Midwest (US): 10am

Europe/Africa: 5pm

Asia: 11pm

فحاول انك تكتب موضوع ما بين الوقتين دول لانه الاكتر فعالية.

17 / استخدم الهاش تاج

دان زيرلا حلل 21 مليون تويتة ووجد ان التويتة اللي فيها هاشتاج نشط بتصل بالتويتة للتقدم بنسبة 55%.

الهاش تاج عامل فعال جداً جداً للترويج المجاني لمنتجاتك او مقالاتك او صفحتك ولاكن بشكل جذاب مع احترام الشروط التي بالاعلي ستلقي الاستحسان لدي متابعي الهاش تاج فحاول ان تتابع الهاشتاجات النشطة علي تويتر وفيس بوك وانستجرام وغيره وتكتب فيها بعنوان وصورة ممتازين واراهن انك ستحصل علي عدد كبير من الاهتمام.

18 / استخدم ال Scannable text

حسب الدراسة التالية يجب عليك استخدام التكست اللي ممكن الاطلاع عليه حاولوا تفهموا المعني من الانفوجرافيك.

19 / أكتب المقالات العملية

دكتورة جونا برجر وجدت ان المقالات العملية بتلاقي استحسان الناس بنسبة 34% عن المقالات العادية.

20 / أنسخ عناوين ووصف اعلانات ادوردز

انسخ العناوين والوصف الخاص بالكلمات المفتاحية لاعلانات ادوردز لكي تصل الي اعلي صفحات جوجل.

21 / إسئل الناس للمشاركة

دائما اسئل الناس انها تشارك وتعلق علي موضوعك لان ده بيعمل بنسبة فعالية لدي البعض وممكن يجي بنتيجة فحاول انك تطلب من المتابعين المشاركة.

وبكده اكون انتهيت من الموضوع الشيق ده واديت كل ما لدي من طاقة لكي اخرجة بصورة جيدة لكم فارجو منكم التشجيع بالمشاركة مع الجميع وانتظرونا بمواضيع اخري شيقة وحصرية.

المصدر