أفضل 10 إضافات لجوجل كروم لمطوري الويب 2017

أفضل 10 إضافات لجوجل كروم لمطوري الويب 2017

السلام عليكم ورحمة الله وبركاته متابعي مدونة تقني بلس - Teqani plus الكرام أهلا ومرحباً بكم مرة اخري في موضوع شيق وحصري ومفيد جداً بالاخص لمطوري ومصممي الويب بما ان الترند هذه الايام علي المدونة هو لصالح مصممي ومطوري الويب فساستغله في عرض ابرز وافضل التدوينات بخصوص هذا الموضوع.

في تدوينة اليوم ساشارك معكم افضل اضافات جوجل كروم لمصممي ومطوري الويب, الاضافات الافضل علي الاطلاق صاحبة الشعبية الكبيرة ضمن المطورين والمصممين المحترفين والتي اختيرت ضمن مساباقات ودراسات من مواقع كبيرة جدا في هذا التخصص فتابعوا معنا الاضافات ولا تنسوا مشاركتنا رايكم حول الموضوع وما هي افضل اضافة بالنسبة لك.

الاضافات بإختصار:-

WriteWell for Google Docs - Highly Highlighter - CSS - Shack - Marmoset - iMacros for Chrome - Window Resizer - WhatFont - Web Developer - Instant Wireframe - ColorZilla

الاضافات باستفاضة:-

Write Well for Google Docs

الاضافة الممتازة التي بتساعدك في كتابة اي محتوي تابع لجوجل دوكس وليكن عندك موقع علي بلوجر او علي جوجل سيت وبتكتب عليه مقالة فالاضافة دي بتساعدك في تنسيق واخراج المقالة دي بأفضل وجه وافضل شكل ممكن تخش علي رابط الاضافة علي متجر جوجل وتشوف مميزاتها بشكل مفصل.

Highly HighLighter

الاضافة دي بتساعدك تشارك اي موضوع او جزؤ من مقالة انت محدده علي اي موقع من مواقع السوشيال ميديا ومش بس كده لا ممكن تبعته لاي حد من اصدقائك او غير اصدقائك في الرسائل عن طريق الاضافة دي الاضافة اكتر من رائعة ممكن تعرف عنها اكتر من خلال الرابط بتاعها علي متجر جوجل.

Css - Shake

الاضافة الاكتر من احترافية ورائعة لكل ال Css جيكس الاضافة دي بتتيح ليك انك تاخد كود ال Css من اي ملف انت مصممه وليكن بالفوتوشوب عن طريق الليرات وبيديهالك كود Css نظيف ومرتب الاضافة هتساعد كتير الناس اللي شغاله HTML TO PSD خش علي رابط الاضافة وشوف مميزاتها كلها.

Marmoset

الاضافة العبقرية اللي بتتيح ليك اخذ سناب سوتش للاكواد بتاعتك وعرضها بكشل جذاب للعملاء او حتي للمتابعين الاضافة اكثر من رائعة ومجانية وبتوفر ليك اكتر من شكل تعرض عليه السناب الخاص بيك ممكن تتعرف اكتر علي الاضافة دي من خلال الصفحة الخاصة بيها علي متجر جوجل.

iMacros For Chrome

بالتاكيد كلنا عارفين الاضافة المعجزة دي اللي هي الايماكروس بس علي الفاير فوكس بس والمفجاءة النهارده انها علي جوجل كروم كمان الاضافة بتوفر علي الوقت في حاجات كتير بتعمل تسجيل للخطوات وتسيب الاضافة تشتغل لوحده تكرر اللي انت سجلته الاضافة اكتر من روعة لو مش عارفها ادخل علي رابط الاضافة علي متجر جوجل وشوف اي هي الاضافة وبتشتغل ازاي.

Windows Resizer

الاضافة اللي بتساعدك علي تغير حجم الويندو اللي فاتح فيها الموقع الخاص بيك لاي حجم انت عاوزه علشان تقدر تشوف التجاوب الخاص بموقعك وتقيس درجة الريسبونسيفتي للموقع الاضافة دي بتوفر كتير جدا للويب ديفلوبرز وانا انصح بيها ولو عاوز تشوف تفاصيل اكتر خش علي رابط الاضافة علي متجر جوجل.

What Font

الاضافة الرائعه اللي بتتيح ليك معرفة نوع الخط المستخدم في الموقع بدون بذل اي جهد يذكر الاضافة بتعرض ليك اسم الخط بمجرد وقوفك عليك والتنسيق تبعه كمان الاضافة ممتازة جدا وانا انصح بتجربتها بل بالعمل عليها ولمعرفة المزيد عن الاضافة ادخل علي رابط الاضافة علي متجر جوجل.

Web Developer

الاضافة العظيمة اللي بتقدملك اضافات كتير جداً جواها بتساعد الويب ديفلوبر والويب ديزاينر الاضافة كنز بمعني الكلمة زي ما اانتوا شايفين في الصورة كمية اضافات كبيرة جدا للمطورين والمصممين لو عاوز تعرف اي هي الاضافات الفرعية اللي جوه الاضافة خش علي رابط الاضافة علي متجر جوجل.

Instant Wireframe

الاضافة دي بتعرضلك الوير فرام لاي موقع انت عاوزه طبعا ال Wire Frame ده مجسم من غير صور بيساعد المصمم او المطور انه يصمم الموقع بشكل دقيق حسب المطلوب الاضافة دي هتساعد كتير وهتنجز مع الويبرز فانا انصح بيها اعرف عنه من خلال رابطها علي متجر جوجل.

ColorZilla

الاضافة اللي بتتيح ليك انك تاخد كود اللون اللي قدامك في اي منطقة في الموقع علشان تقدر تستخدمه بعدين الاضافة بتشتغل حتي علي الصور يعني مش هتفتح الفوتوشوب تاني علشان تعرف كود اللون من خلال الاضافة دي هتعرف كل حاجه انا شخصيا استخدمها لو عاوزين تعرفوا المزيد عنها خشوا علي الرابط الخاص بيها علي متجر جوجل.

وبكده اكون انتهيت من موضوعي البسيط افضل 10 اضافات لجوجل كروم لمطوري ومصممي الويب لعام 2017 ماتنسوش تشاركوا الموضوع وتقولولنا رايكوا في التدوينة.